Hvíldarinnlögn

Hvíldarinnlögn

Velkomin í skammtímadvöl á Grund

Markmið skammtímadvalar er tvíþætt, annars vegar hressingardvöl fyrir einstaklinginn og hins vegar að létta tímabundið umönnun af fjölskyldu hans.  Lengd dvalarinnar er ákvörðuð af Færni- og heilsumatsnefnd.  Dvalargestum í skammtímadvöl er velkomið að nýta sér alla almenna þjónustu Grundar og taka þátt í félagsstarfi og viðburðum sem í boði eru fyrir heimilisfólk.

Mikilvægt er að láta vita af læknisrannsóknum og aðgerðum sem fyrirhugaðar eru á meðan að á skammtímadvöl stendur eða í kringum það tímabil.   Þessum tímum þarf að breyta því annars lendir kostnaður á Grund sem sjúkratryggingar myndu annars greiða.

Í skammtímadvöl þarf að hafa með sér:

  • Lyfjarúllu eða lyf og lyfjakort. 
  • Hjálpartæki (einnota) sem viðkomandi notar heima.
  • Innifatnað, næg föt til skiptanna, náttföt og nærföt, inniskó, hlýja peysu.
  • Útiföt og skó.
  • Létt teppi.
  • Snyrtivörur s.s. sjampó, tannkrem, rakvél, raksápu, og rakakrem.
  • Útvarp og afþreyingarefni, s.s. bækur, handavinnu að vild

Hagnýtar upplýsingar:

Mikilvægt er að aðstandendur láti heimahjúkrun/dagþjálfun vita af skammtímadvölinni og hvenær henni líkur.

Aðstandendur annast þvott á persónulegum fatnaði og eru óhrein föt sett í poka inn í fataskáp. Vinsamlegast merkið fatnað og hjálpartæki með upphafstöfum, til dæmis með fatatússpenna.  Sæng, koddar, rúmföt og handklæði eru til staðar á Grund.

Vinsamlegast hafa með sér lyfjarúllu eða þau lyf sem þegar hafa verið skömmtuð.  Þetta á einnig við um augndropa og innúðalyf, krem, lyfjaplástra og sprautur sem viðkomandi notar.  Muna eftir lyfjakorti.  Vinsamlegast komið með göngugrindur, hjólastóla og önnur hjálpartæki sem þið eruð vön að nota.

Síma-og tölvumál eru alfarið á ábyrgð aðstandenda. Best er að fá sér netpung til að tengjast netinu.

Snyrtistofa 530-6219 og hárgreiðslustofa 530-6206 eru reknar af verktökum, tímapantanir fara í gegnum þær stofur.

Ekki er gert ráð fyrir að fólk fái sjúkraþjálfun á meðan á dvölinni stendur en opið er í tækjasal á ákveðnum tímum og stólaleikfimi er í boði fyrir þá sem vilja.

Peningar og verðmætieru á eigin ábyrgð. Við óskum eftir að fólk taki ekki með sér verðmæti. Heimsóknargestir eru velkomnir allan daginn.  Húsinu er læst frá kl.20:00 til kl.8:00 og er þá hægt að hringja dyrabjöllu í anddyri hjúkrunarheimilisins.

Af öryggisástæðum og af tillitssemi við starfsfólk eru dvalargestir vinsamlegast beðnir um að tilkynna starfsfólki um fjarveru af heimilinu. Sími vakthafandi hjúkrunarfræðings er 530-6116.