Persónuverndarstefna Grundarheimilanna

Grund, Dvalarheimilið Ás og Mörk hjúkrunarheimili (hér eftir Grundar heimilin og heimilin) hlítir lögum nr. 90/2018 um persónuvernd og vinnslu persónuupplýsinga sem tóku gildi þann 15. júlí 2018. Umrædd lög voru sett til innleiðingar og lögfestingar á almennu persónuverndarreglugerðinni (REGLUGERÐ EVRÓPUÞINGSINS OG RÁÐSINS (ESB) 2016/679, frá 27. apríl 2016 um vernd einstaklinga í tengslum við vinnslu persónuupplýsinga og um frjálsa miðlun slíkra upplýsinga og niðurfellingu tilskipunar 95/46/EB).

Grundar heimilin leggja metnað í að tryggja trúnað og vernd þeirra persónuupplýsinga sem heimilin þurfa að afla og vinna með í tengslum við starfsemi sína, þ.á.m. upplýsingar um heimilismenn, aðstandendur, starfsmenn, umsækjendur og aðra viðskiptavini.

Persónuverndarstefnu þessari er ætlað að upplýsa þig um hvaða gögnum heimilin safna, hvernig unnið er með slík gögn, hverjir hafa aðgang að gögnunum og hvernig þú getur nálgast frekari upplýsingar um persónuverndarmálefni heimilanna.

Hvað eru persónuupplýsingar?

Persónuupplýsingar samkvæmt persónuverndarstefnu þessari eru hvers kyns upplýsingar um persónugreindan eða persónugreinanlegan einstakling. Einstaklingur telst persónugreinanlegur ef unnt er að persónugreina hann, beint eða óbeint, svo sem með tilvísun í auðkenni eins og til dæmis nafn, kennitölu, netauðkenni eða eins eða fleiri þátta sem einkenna hann í líkamlegu, lífeðlisfræðilegu, erfðafræðilegu, andlegu, efnalegu, menningarlegu eða félagslegu tilliti.

Hvaða gögnum söfnum við og hvers vegna?

Þær persónuupplýsingar sem heimilin afla eru meðal annars notaðar til að uppfylla lagaskyldu sem hvílir á ábyrgðaraðila, svo sem um skráningu heilsufarsupplýsinga í sjúkraskrár, um veitingu tiltekinnar þjónustu til íbúa og annara einstaklinga, til að uppfylla kröfur vinnumarkaðarins gagnvart starfsfólki sínu o.s.frv

Upplýsingum er einnig aflað í þeim tilgangi að standa við gerða samninga við einstaklinga, svo sem ráðningarsamninga við starfsfólk og þjónustusamninga við Sjúkratryggingar Íslands og heimilismenn.

Grundar heimilin kappkosta að bæta öryggi og lífskjör heimilismanna og í þeim tilgangi er vinnsla persónuupplýsinga oft nauðsynleg. Heimilin leggja áherslu á að upplýsa alla hlutaðeigandi um vinnslu persónuupplýsinga og afla upplýsts samþykkis þeirra í þeim tilvikum sem það á við.

Grundar heimilin kunna einnig að safna og vinna með upplýsingar sem einstaklingar kjósa að láta heimilunum í té. Þetta geta til dæmis verið bréfaskrif með ábendingum eða athugasemdum frá heimilisfólki, aðstandendum, umsækjendum eða öðrum viðskiptavinum eða upplýsingar sem kunna að berast heimilunum vegna starfsemi þeirra, þ.m.t. meginstarfsemi þess, sem felst í þjónustu við heimilismenn þeirra, þ.m.t. heilbrigðisþjónustu.

Dæmi um upplýsingar sem heimilin vinna um einstaklinga í ofangreindum tilgangi:

  • Almennar upplýsingar; svo sem nafn og heimilisfang.
  • Samskiptaupplýsingar; svo sem símanúmer og netföng.
  • Kennitala.
  • Kyn.
  • Víðtækar heilsufarsupplýsingar.
  • Færni- og heilsumat.
  • Upplýsingar um menntun og starfsferil.
  • Stéttarfélagsaðild.
  • Lífeyrissjóðsaðild.
  • Launa- og kjaramál.
  • Veikinda- og orlofsréttindi og nýting þeirra.
  • Vinnustundir.
  • Reikningsnúmer.
  • Upplýsingar um aðstandendur; svo sem nöfn, símanúmer og netföng.

Hvaðan koma þær upplýsingar sem við vinnum með?

Að meginstefnu til koma upplýsingar sem Grundar heimilin vinna með frá einstaklingum sjálfum. Í einhverjum tilvikum koma upplýsingarnar þó frá þriðja aðila. Sem dæmi má nefna heilbrigðisyfirvöld, lækna, skattayfirvöld, stéttarfélög, lífeyrissjóði, aðstandendur o.fl.

Hve lengi geymum við gögnin?

Grundar heimilin falla undir ákvæði laga um opinber skjalasöfn nr. 77/2014. Þau gögn sem heimilin afla í starfsemi sinni, þ.á.m. persónugreinanleg gögn, þurfa heimilin því að varðveita í allt að 30 ár áður en þau afhenda gögnin til viðeigandi skjalasafns.

Hverjir hafa aðgang að gögnunum?

Viðeigandi starfsmenn og stjórnendur Grundar heimilanna hafa aðgang að þeim gögnum sem safnað er um skráða einstaklinga. Samábyrgðaraðilar, eins og t.d. sjálfstætt starfandi læknar, hafa einnig aðgang að tilteknum gögnum. Þá þurfa vinnsluaðilar Grundar heimilanna að hafa aðgang að ákveðnum gögnum, það geta verið upplýsingatæknifyrirtæki, lyfjaþjónustur, bókhaldsþjónustur o.fl. Ennfremur er Grundar heimilunum skylt að skila tilteknum upplýsingum til ríkisstofnana, svo sem embætti landlæknis, færni- og heilsumatsnefnda, Sjúkratrygginga Íslands, Ríkisskattstjóra o.fl.

Grundar heimilin nýta aldrei persónuupplýsingar í öðrum tilgangi en þeim sem þeim var aflað fyrir.

Hvernig tryggjum við öryggi gagna?

Grundar heimilin leitast við að vernda persónuupplýsingar með viðeigandi tæknilegum og skipulagslegum ráðstöfunum. Dæmi um slíkar ráðstafanir eru aðgangsstýringar að kerfum, skýrar verklagsreglur og þjálfun starfsfólks.

Vefsíður og vafrakökur

Grundar heimilin nota svokallaðar vafrakökur til að bæta upplifun notandans og aðlaga síðuna að því tæki sem að hún er opnuð í. Vafrakökur eru smáar textaskrár sem eru geymdar á tölvu þinni eða snjalltæki. Upplýsingarnar eru notaðar við endurbætur á vefjum Grundar heimilanna og við þróun hans, m.a. til að gera hann skilvirkari og bæta upplifun notandans. Upplýsingarnar eru ekki seldar þriðja aðila.

Á vefsíðum heimilanna má senda inn pöntun á minningarkorti. Sendandi kortins gefur upp til minningar um hvern kortið er sent, upplýsingar um viðtakanda kortsins, þ.e. nafn og heimilisfang, ásamt upplýsingum um sjálfan sig til þess að hægt sé að ganga frá greiðslu. Ekki er tekið við greiðslu upplýsingum á vefsíðunni heldur aðeins um greiðslu mátann, þar sem að annað hvort er millifært á reikning heimilisins eða sendur út greiðsluseðill fyrir kortinu.

Nánari upplýsingar

Grundar heimilin hafa tilnefnt persónuverndarfulltrúa sem mun hafa umsjón og eftirlit með persónuverndarmálum heimilisins. Óskir þú eftir frekari upplýsingum um persónuverndarstefnu þessa eða hvernig heimilin vinna með persónuupplýsingar þínar, vinsamlegast hafðu samband við persónuverndarfulltrúa. Samskiptaupplýsingar hans er að finna hér að neðan:

Gunnhildur Erla Kristjánsdóttir

gunnhildur@samtok.is

861-1881

Endurskoðun

Persónuverndarstefna þessi er endurskoðuð reglulega og kann að vera uppfærð eða taka breytingum í samræmi við breytingar á lögum eða reglugerðum eða vegna breytts verklags um vinnslu persónuupplýsinga innan Grundar heimilanna.

Persónuverndarstefna þessi var samþykkt af stjórn Grundar heimilanna 21. júní 2018