Fréttir

Það er hefð komin fyrir því að heimilin í Mörk keppi um fallegustu svalirnar. Síðustu vikurnar hafa starfsmenn og heimilismenn undirbúið svalirnar, sett niður sumarblóm í potta, ker og körfur og skreytt hátt og lágt. Sjálfan daginn þegar dómnefndin gekk um húsið var öllu til tjaldað. Dómnefndin átti erfitt verk fyrirhöndum en niðurstaðan var að Álfheimar fengu gullverðlaun, silfur kom í hlut Ljósheima og Miðbær fékk bronsverðlaunin

Þegar veðrið leikur við okkur eins og um helgina eru svalirnar frábær staður til að njóta sólar. Ekki skemmir fyrir að geta notið litskrúðugu blómanna sem prýða nú potta og ker á svölum heimilanna hér í Mörk. Í ár ræktuðum við í gróðurhúsunum okkar í Ási um 11.000 sumarblóm sem prýða nú svalir og garða Grundarheimilanna og Íbúða 60+.

Það er stutt að fara á Kastalakaffihúsið héðan úr Mörk en veitir heimilisfólkinu okkar skemmtilega tilbreytingu. Fyrir skömmu gerðu heimilismenn sér glaðan dag og örkuðu yfir á kaffihúsið með aðstoð starfsfólks og aðstandenda. Yndisleg stund í góðum félagsskap.

Stundum gefst tækifæri til að bjóða heimilismönnum að njóta veðurblíðunnar og bregða sér af bæ og þannig var það nýlega þegar Gréta, Margrét, Vera og Hólmfríður fóru í smá ævintýraferð

Fjölmenn sumarhátíð var haldin í Mörk í vikunni og mikið um dýrðir. Hoppukastali, andlitsmálning, Regína Ósk söngkona heillaði alla uppúr skónum með dásamlegum söng og svo var boðið upp á sumarlegar veitingar.

Það hefur ekki farið framhjá neinum sem leið á um Grundarheimilin að búið er að gróðursetja þúsundir plantna á heimilunum, í görðum, á svölum, við gangstíga og í sólstofum. Jónas Þór Sigurbjörnsson, garðyrkjustjóri Grundarehimilanna, segir að sáð hafi verið um fyrir um 10-11.000 sumarblómum, morgunfrúm, stjúpum, dalíum, tóbakshornum og svo mætti áfram telja. Auk þess segir Jónas að uppskeran sé ríkuleg af agúrkum og tómötum og kirsuberjatómötum og einnig er vex salat vel. Þegar búið er að fara með grænmetið í eldhús Grundarheimilanna gefst starfsfólki kostur á að kaupa á vægu verði agúrkur og tómata og það hefur mælst vel fyrir.

Það er alltaf gleðilegt þegar Stefán Helgi Stefánsson kemur svífandi hingað í Mörk til að gleðja heimilisfólkið okkar með söng sínum. Hann kemur á vegum Elligleði sem hann og Margrét Sesselja Magnúsdóttir eru með saman og hefur það eitt að markmiði að gleðja aldraða með söng og þá sér í lagi þá sem komnir eru með minnissjúkdóma. Þau hafa verið með Elligleðina hátt á annan áratug og heimilin sem þau hafa heimsótt reglulega skipta mörgum tugum.

Bara svo þið séuð með það alveg á hreinu þá eru það þessi fjögur fræknu sem pakka inn grænmetinu okkar í Ási og passa að það komist í eldhús Grundarheimilanna og í sölu í verslanirnar okkar þrjár. Frá vinstri Alyssa Rós, Rakel Rós, Siggi sæti og Viktor Berg.

Starfsfólk og heimilisfólk á 2. hæð í Mörk lætur hráslagalegt veður ekki aftra sér frá að gróðursetja sumarblóm og gera svalirnar huggulegar fyrir sólríka og bjarta daga. Þessi litríku og fallegu blóm koma úr gróðurhúsi Grundarheimilanna í Ási í Hveragerði.

Það er ekki langt að fara á kaffihús Hjálpræðishersins, Kastalakaffi. þegar búið er á Mörk. Fyrir skömmu ákvað heimilisfólkið á Langholti, 4 hæð, að gera sér glaðan dag og skreppa þangað. Starfsfólk og heimilisfólk lögðu land undir fót og fengu sér göngutúr. Frábær tilbreyting og ljúffengar veitingar